ވަނަމެއްގެ ގޮތުގައި މާނަ ކުރެވޭނެ ހަމަ އެއްވެސް ގޮތެއް ނެތެވެ؛ އެއީ ސީދާ މަލާމާތެކެވެ؛ މީހަކު އިހާނެތިކޮށް، ދަށްކޮށްލުމުގެ ނިޔަތުގައި ބޭނުންކުރާ ސިފަކުރުމެކެވެ. ނުވަތަ، އެއީ އަބުރަށް އަރައިގަތުމެކެވެ. ހުތުރު ނަންތަކެއް އާންމުކުރަން ހިތްވަރު ދެއްވީ އެވެ. ރައްޔިތުންގެ މަޖިލީހުގެ ތަޅުމުން ލައްކަ ވާހަކަ އަޑުއިވެ އެވެ. މެމްބަރުންނަށް ލިބިދޭ އިމްތިޔާޒްތަކެއްގެ ބޭނުން ފުރިހަމައަށް ހިފައިގެން، ބޭއަދަބީ، އިޖުތިމާއީ އަދި ބައެއް ފަހަރު ސީދާ ދީނާ ހިލާފު ވާހަކަތައް ދައްކަ އެވެ. މަޖިލީހުގެ ރިޔާސަތަކީ މެމްބަރުންގެ ބެލެނިވެރިޔާ އެވެ. ތަޅުމުގައި ދެއްކެވޭ ވާހަކަތައް ހައްދުން ނެއްޓިގެން ދިޔަނުދީ، މަޖިލީހުގެ އިއްޒަތާއި ކަރާމާތް ރައްކާތެރިކުރުމުގެ ބުރަ ޒިންމާ އުފުލާ ފަރާތެވެ.